Де Брујн: Разочарани сме, сигурно можевме подобро

Белгија иако има фантастичен играчки состав вчера беше елиминирана од Италија во четвртфиналето на Европското првенство.

Италија со 2:1 беше подобра од Белгијците. Во второто полувреме Белгија имаше неколку добри прилики, но Донарума беше на висина на задачата.

Кевин Де Брујн беше под знак прашалник за овој натпревар поради повредата што ја заработи со Португалија, но сепак, на крајот истрча на теренот.

„Направивме се што можевме. Италија почна одлично, вториот гол им беше фантастичен, сигурно ние можевме да изреагираме подобро на нивниот посед на топката. Во текот на натпреварот создадовме одлични шанси, но топкатан е сакаше да влезе во голот. Разочарани, сме секогаш е така кога ќе бидете елиминирани од големо натпреварување“, изјави Де Брујн.