Даночните власти во Шпанија отворија истрага против Нејмар за евентуално затајување на данок за време на неговиот престој во Барселона, пренесуваат шпанските медиуми.
Бразилецот ја напушти Барселона во август 2017 година за да премине во Пари Сент Жермен за рекорден трансфер од 222 милиони евра. Во споменатата 2017 година тој помина повеќе од 183 дена во Шпанија и според шпанските закони мора да ги плати сите даноци во таа држава.
Александар Вучковски - сомелиер: Како македонските вина го освојуваат светот? ↓↓↓
Даночните власти се интересираат конкретно за бонусите кои Нејмар ги добил. Само неколку месеци пред да се пресели во Париз Бразилецот потпиша нов договор со Барселона, во кој имаше клаузула да добие 40 милиони евра како бонуси.
Неофицијално му биле исплатени 14 милиони евра од таа сума, а останатите 26 милиони требало да ги добие подоцна истата година. Меѓутоа, после трансферот во ПСЖ од „Камп Ноу“ одбија да му ја доплатат останатата сума, па за тоа двете страни завршија на суд.
Даночните власти од Шпанија побарале документ од Барселона со кое се потврдува колку точно пари му биле исплатени на Нејмар, бидејќи има сомнение дека Бразилецот прикрил дел од даноците.
Притоа, Нејмра мора да достави документ колкав бонус добил од ПСЖ при самото потпишување на договорот.
Учество во игри на среќа е дозволено за лица со 18+ години. Играј одговорно!