Дани Алвеш: Париз е град преполн со расисти!

Легендарниот бразилски фудбалер, Дани Алвеш проговори за својот престој во Париз и истакна дека воопшто не му се допаѓа Франција.

Дани Алвеш две години играше за Пари Сент Жермен и одлучи да не ја продолжува соработката, па ова лето се врати во родниот Бразил.

„Париз е навистина стресен град, не ми се допаѓа многу. Ако одите во Париз на една недела, тоа ќе биде авантура на вашиот живот, но ако седите повеќе од тоа, ќе се заморите и нема да го сакате“, истакна Алвеш.

„Париз ме потсетува на Сао Паоло, со тоа што во Париз има многу ебе*и расисти. Има навистина многу расисти. На мене не ми правеа ништо, бидејќи ако се обидеа нешто, знаеја дека ќе им кажам да се еб*т. Но, видов како тоа го прават со мои пријатели“, раскажа Бразилецот и со оваа негова изјава сигурно ги налути Французите.