Дали Руни ќе може да ја одбие оваа „безобразна“ понуда!?

Капитенот на Манчестер Јунајтед, Вејн Руни доби „безобразна“ понуда од два кинески клуба, па сигурно добро ќе размисли пред да даде конечен одговор.

Како што пренесуваат англиските медиуми, кинескиот клуб Гвангжу, кој е предводен од Луиз Фелипе Сколари и Пекинг Жуан кој се бори да ја прекине доминацијата на „тигрите“ се двата клубови кои со 700.000 фунти неделна плата сакаат да го придобијат 31-годишниот голгетер на Јунајтед.

Руни кој оваа сезона сè повеќе ја грее клупата на Јунајтед, доколку се одлучи за ваков потег и премине во Кинa, таму најмалку ќе се задржи две години, а годишно ќе заработува нешто повеќе од 40 милиони фунти, со што ќе биде далеку најскапо платениот фудбалер на планетата.

Кинезите дефинитивно стануваа нова фудбалска реалност во светот, па сведоци сме дека многу фудбалски ѕвезди се одлучуваат кариерата да ја продолжат во Кина.