Дабл-дабл на Јокиќ во победата на Денвер против Клиперси, Спарси подобри од шампионот (ВИДЕО)

Изминатата вечер во НБА лигата беа одиграни седум натпревари.

Денвер Наџентс славеа против Лос Анџелес Клиперси во ноќта измеѓу недела и понеделник со 114:104. После неизвесната прва четвртина Денвер доминираше во втората. Во првите пет минути Денвер немаше ниту едно промашување, па не е чудо што тој период го завршија со 14 поени предност. Во продолжение Наџентси и понатаму го контролираа резултат имаа и 20 поени разлика, а Клиперси не успеаа значително да се доближат до крајот на натпреварот.

Ги служеше играчите на Денвер и шутот за три поени. Никола Јокиќ натпреварот го заврши со 20 поени и 15 скокови, Џамал Мареј имаше 19 поени, Гери Херис 15, Мајкл Портер 13, Монте Морис 12, а Тори Крег и Џејмс Грант имаа по 11. Кај Клиперси Каваи Ленард уфрли 30 поени, Лу Вилијамс 26, Монтерези Харел 25.

Сан Антонио го совлада шампионот Торонто на гости со 104:105. Најефикасен во победничкиот тим беше Дерозан со 25 поени и осум скокови, додека Серж Ибака кај Рапторси имаше 21.

НБА резултати:

Њујорк – Мајами 124:121

Вашингтон 116:127

Бруклин – Атланта 108:86

Мемфис – Голден Стејт 122:102

Торонто – Сан Антонио 104:105

Денвер – Клиперси 114:104

Феникс – Шарлот 100:92