Гринвуд нема да чека долго за нов клуб, веќе има фаворит за неговиот потпис

Манчестер Јунајтед вчера официјално ја потврди разделбата со Мејсон Гринвуд, а денес веќе се најавува новиот клуб на напаѓачот.

Според информациите на островските медиуми, Гринвуд кариерата ќе ја продолжи во Ал-Етифак каде што тренер е Стивен Џерард. Ќе потсетиме, во овој клуб настапува и македонскиот фудбалер, Дарко Велковски.

Сепак, се наведува дека Ал-Етифак е најблиску, но тие не се единствените кои сакаат да го доведат, Англичанецот го следеле и други клубови од Саудиска Арабија.

Не се познати финансиските детали, меѓутоа се најавува дека сигурно Гринвуд ќе има поголема плата отколку штои заработуваше во Јунајтед.