Готово: Реал го потврди трансферот на бразилскиот „вундеркинд“

Реал Мадрид е исклучително активен во летниот преоден рок и веќе потроши повеќе од 300 милиони евра, но не мисли да застане.

„Кралевите“ денес го потврдија трансферот на 18-годишниот бразилски играч за врска, Родриго.

Бразилскиот талент доаѓа од Сантос, а Реал за неговиот потпис ќе плати 45 милиони евра.

Клубот потврди дека утре бразилскиот талент ќе пристигне во Мадрид и ќе биде официјално претставен на „Сантиаго Бернабеу“.

Реал уште минатото лето постигна договор со Сантос за трансфер на Родриго, но се чекаше фудбалерот да наполни 18 години за да биде официјализиран трансферот.

Ова е втор трансфер на бразилски тинејџер во Реал во последните години, после трансферот на Винисиус Јуниор.

BREAKING: Real Madrid have confirmed that new €45m signing Rodrygo Goes will be unveiled at the Bernabéu tomorrow. (Source: @realmadrid) pic.twitter.com/z7OTk5A80r

— Transfer News Live (@DeadlineDayLive) June 17, 2019