ГОТОВО: Еден Азар донесе конечна одлука!

Ова лето силно се шпекулираше за трансфер на Еден Азар во Реал Мадрид, а белгискиот репрезентативец конечно донесе одлука за својата иднина.

„Сите знаат што кажав пред почетокот на Мундијалот. Но јас сум среќен овде. Не сакам да зборувам се уште за тоа. Многу работи се кажаа, но во овој момент она што е важно дека јас сум среќен тука. Имам уште две години од договорот и ќе видиме што ќе случи. Заминување оваа година?- Нема да си одам“, изјави Азар.

„Преодниот рок во Англија е затворен. Клубовите можат се уште да продаваат играчи, но не можам да потпишуваат со нови. Би било чудно да ме продадат сега додека не можат да најдат замена. Видовме дека фановите ме сакаат. Среќен сум каде што сум. Ќе видиме што ќе се случи за година или две“, заклучи Белгиецот.

27-годишниот Азар е еден од најдобрите крилни фудбалери во светот во моментов, па Реал Мадрид сакаше да го доведе како замена за Кристиано Роналдо.