Готово: Барса го донесе првото засилување!

Каталонските медиуми денес потврдија дека Барселона ги завршила сите детали околу првото засилување за следната сезона.

Станува збор за шпанскиот репрезентативец и продукт на школата на Барселона, Жерар Делуфеу, кој пред неколку години беше продаден во Евертон.

Во неговиот договор имаше клаузула дека Барселона може да го врати на „Камп Ноу“ за 12 милиони евра, а денес „Мундо Депортиво“ потврди дека Каталонците ја активирале клаузулата.

Делуфеу псоледните 6 месеци ги помина на позајмица во Милан и блесна во Серија А, па неговата вредност во моментов е многу поголема од 12 милиони евра.

Сеуште не е јасно дали Барса ќе го задржи Делуфеу во своите редови, или ќе го продаде во летниот преоден рок па ќе заработи на неговата продажба.