Гвардиола уште еднаш покажа големина: Со суперлативи зборуваше за Ливерпул

Менаџерот на Манчестер Сити, Пеп Гвардиола често пати знае да зборува со суперлативи за своите ривали, така е и овој пат за Ливерпул.

Откако испадна од Тотенхем, менаџерот на Сити покажа големина и му честиташе на ривалот иако испадна на еден болен начин, на Сити му беше поништен гол во судиското продолжение после прегледувањето на ВАР снимката.

Пеп тогаш ја воодушеви фудбалската јавност, а сега слично зборуваше и за Ливерпул со кој водеше жестока борба за првото место.

„Ќе видиме до каде може да одиме и што можеме да направиме. Се бориме со најдобриот Ливерпул во историјата, еден од најдобрите тимови кои сум ги видел во животот“, изјави Гвардиола.

„Ќе се бориме се до крајот. Титулата се уште е во наши раце, а наш противник е Ливерпул кој неверојатен“, додаде Пеп.

Сити во сабота го доби Тотенхем со 1:0 и го задржа првото место, а Ливерпул денес во Кардиф мора да победи за да остане во трката. „Граѓаните“ во тој случај би биле втори, но имаат и натпревар помалку од тимот од „Енфилд“.