Гвардиола: Заморот не уништи, мора да играат повредени играчи

Менаџерот на Манчестер Сити, Пеп Гвардиола, истакна дека неговите играчи мора да играат со болка, со оглед на напорниот распоред.

Сити вчера неочекувано беше поразен од Борнмут, а Пеп тврди дека тое поради фактот што неговите фудбалери се преморени.

„Не можевме да се справиме со интензитетот што го наметна Борнмут, но тие имаа шест или седум дена за одмор, додека ние дури моравме се вративме од Лондон среде недела, што дополнително го скрати нашето време. Не успеавме да се справиме со нивните долги топки, а кога е така, треба да се браниш длабоко. Ние имавме свои шанси кои не ги искористивме“, изјави Гвардиола.

„Кајл Вокер нема завршено ниту еден целосен тренинг во последните 16 дена. Вложи огромен напор, но му недостигаат тренинзи. Истото важи и за Нејтан Аке. Мануел Аканџи исто така не играше на претходниот натпревар поради проблеми. Требаше да бидеме поконцентрирани и подобро позиционирани во одбраната. Знаевме дека Борнмут игра квалитетно во овој дел од сезоната“, дополни Гвардиола.