Гвардиола до Агуеро: Биди внимателен, животот е најважен

Напаѓачот на Барселона, Кун Агуеро има проблеми со срцето поради кои мора да биде надвор од терените подолго време.

Пораки за поддршка стигнуваат од сите страни, а и самиот Агуеро истакна дека ќе ги следи лекарските совети и се надева дека што побргу ќе се врати на терените.

Во меѓувреме јасна порака и совет стигна од неговиот поранешен тренер Пеп Гвардиола.

„Разговарав со неговиот агент и му испратив порака. Ова се тешки вести за него и неговото семејство. Сите од клубот му посакуваме се најдобро и брзо оздравување. Здравјето и животот секогаш се најважни од било што друго. Сигурен сум дека Серхио е во добри раце и треба да биде внимателен“, изјави Гвардиола.