Габијадини признава: Мурињо ме шокираше после натпреварот

Фудбалерите на Манчестер Јунајтед во неделата славеа против Саутемптон со 3:2 во финалето од англискиот Лига куп.

Италијанецот Габијадини од Наполи пристигна во редовите на Саутемптон во јануарскиот преоден рок и веднаш покажа дека ќе биде големо засилување за премиерлигашот.

После натпреварот во неделата, Габијадини откри дека имал краток разговор со Жозе Мурињо и не го криеше своето воодушевување од тоа.

„Мурињо навистина ме шокираше кога ми пријде и се ракуваше со мене после натпреварот, тоа беше навистина прекрасен потег од негова страна. Во светот на фудбалот, мал е бројот на господини како што е Жозе Мурињо“, порача Габијадини.