Во Јувентус одигра само 12 минути, сега заминува на позајмица надвор од Италија

Oваа сезона одигра само 12 минути и очекувано беше да замине на позајмица.

Напаѓачот на Јувентус, Моис Кин наскоро ја менува средината и би требало да замине на позајмица, а каде ќе ја продолжи кариерата ќе биде познато во наредните два месеци.

Овој 18 годишен фудбалер до сега одигра само 12 минути во текот на целата сезона за Јувентус.

Тој доби шанса да заигра и за репрезентацијата на Италија и вечерва против САД ќе има прилика да дебитира.

„Тој не пронајде многу простор за игра во Јувентус затоа што тука играат големи шампиони како Роналдо Манџукиќ и Дибала“, изјави неговиот брат Џовани Дос.

Потоа потврди и дека дефинитивно ќе биде испратен на позајмица.

„Парма или Сампдорија? Не би рекол, мислам дека нема да остане во Италија. Тој сака да се проба во друго натпреварување кое е поинакво од Серија А“, откри Дос.