Во Сантос прогласена седумдневна жалост поради cмртта на Пеле

Градот Сантос тагува поради смртта на легендарниот Пеле и во овој град е прогласена седумдневна жалост.

Одлуката ја донесе градоначалникот на градот Рожерио Сантос кој се огласи на социјалните мрежи.

„Пораснав слушајќи го татко ми како ми зборува за бразилскиот крал кој живеел во Сантос. Сите пораснавме гледајќи го нашиот Пеле.

Неспоредлив е од било која аспект. Кој може да не се сеќава на неговите потези, шутот од половина терен, илјадитиот гол или голот со глава за славење?

Заминувањето на Пеле остава вечна празнина во светскиот спорт. Изгубивме великан кој го претставуваше Сантос во целиот свет. Пеле, ти беше гениј. Ти благодарам за се. Ќе прогласиме официјална седумдневна жалост“, објави градоначалникот.