Во Барселона за да го купат Гризман земале кредит

За Барселона најголемо засилување во овој преоден рок досега е Антоан Гризман кој пристигна од Атлетико Мадрид.

Со Каталонците се поврзува и Нејмар, но засега тој трансфер се уште е далеку од реализација.

Најголемата причина е што Барселона нема пари, а тоа го потврди и претседателот Хозе Марија Бартомеу.

„Земавме кредит на шест месеци и тоа од 35 милиони евра. Останатата сума во вредност од 85 милиони евра ќе ја надополниме со продажбата на играчи“, изјави Бартомеу.

Дел од медиумите објавуваат и дека оваа изјава на Бартомеу значи и дека нема да има ништо од враќањето на Нејмар.

ПСЖ за Нејмар постави висока цена и единствена опција е да се вклучат играчи во оваа зделка, но тоа е малку веројатно бидејќи во ПСЖ сакаат само пари.