Вилијан се сели во градскиот ривал

Англиските медиуми пренесуваат дека Вилијан може да направи изненадувачки трансфер во градскиот ривал.

Договорот на Бразилецот со Челзи истекува ова лето и Вилијан ќе го напушти „Стенфорд Бриџ“ како слободен агент.

За неговиот потис се заинтересирани многу европски клубови, но 31-годишниот Бразилец преферира да остане во Премиер лигата, односно во Лондон.

Англиските медиуми пренесуваат дека Вилијан веќе започнал преговори со Тотенхем, кој е спремен да му понуди 3-годишен договор и да ги задоволи неговите финансиски барања.

Познато е дека Мурињо е голем симпатизер на играта на Бразилецот и смета дека ќе биде големо засилување за неговиот тим.

Арсенал исто така испратил понуда до Бразилецот, па во наредните денови се очекува негова конечна одлука.