Видео: Јунајтед подобар од Сити

Манчестер Јунајтед го победи Манчестер Сити со 2:0 во контролен меч кој се одигра во Хјустон, САД.

Ова беше прв дуел на градските ривали кој се одигра надвор од Англија, а триумфот на Јунајтед му го обезбедија Ромелу Лукаку и Маркус Рашфорд.

Манчестер Јунајтед дуелот со Сити го реши во две минути, кога во периодот од 37. до 39.минута Лукаку и Рашфорд го совладаа новиот голман на „граѓаните“, Едерсон.

Најскапиот фудбалер во досегашниот тек од преодниот рок, Лукаку, голот го постигна по додавањето на Пол Погба, додека Рашфорд во гол ја претвори асистенцијата на Хенрик Мхитаријан.