(ВИДЕО) Штербик и Абутовиќ во борба да бидат најдобар голман и дефанзивец во ЛШ

Двајца играчи од актуелниот Европски шампион, Арпад Штербик и Илија Абутовиќ се номинирани во изборот за најдобриот тим во Лигата на Шампионите за оваа сезона. Штербик ќе се бори да се најде во идеалниот тим како најдобар голман, а негова конкуренција се Ландин (Кил), Иванишевиќ ( Скјерн), Андерсон ( Фленсбург) и Жерард ( Монпелје). Абутовиќ пак ќе се обиде да стигне до признанието, најдобар одбранбен играч пред Карабатиќ( ПСЖ), Карлсон ( Фленсбург), Морос (Барселона) и Шуц (Веспрем).

ЕХФ направи видео со играчите кои се номинирани на позициите голман и најдобар дефанзивец. Гласањето ќе трае до 26-ми мај кога започнува и завршниот турнир во Келн. За играчите на Вардар можете да гласате на линкот, ТУКА.