![](https://sportski.mk/wp-content/uploads/2016/12/15.12premir1.jpg)
Синоќа беше комплетирано 16-то коло во Премиер лигата кое го одбележаа победите на сите фаворити, а Челзи ја запиша десетата победа по ред.
Тимот на Антонио Конте стекна предност од шест бода во однос на конкурентите, откако синоќа на гостувањето кај Сандерленд ја запиша 10-та победа по ред. Голот за поведа на „сините“ го постигна Цеск Фабрегас во првото полувреме.
Лига Нации: Се освен прво место ќе биде катастрофа за Македонија! ↓↓↓
Ливерпул и Тотенхем со идентични 3:0 славеа против Мидлсброу, односно Хал. Два гола за Ливерпул кај Мидлсброу постигна Лалана, еден Ориги, додека Тотенхем до триумфот над Хал го предводеше Ериксен со два гола.
Манчестер Јунајтед како гостин славеше над Кристал Палас со 2:1. Ибрахимовиќ го постигна победничкиот гол на две минути до крајот на мечот. Претходно шведскиот интернационалец му асистираше на Погба за 0:1, а израмни Мекартур во вториот дел.