Видео: Поништен погодок од ВАР и промашен празен гол за Икарди – „нула“ во градското дерби

epa06645722 AC Milan defender Leonardo Bonucci reacts during the Italian Serie A soccer match between AC Milan and Inter Milan at Giuseppe Meazza Stadium in Millan, Italy, 04 April 2018. EPA-EFE/ROBERO BREGANI

Иако заврши без погодоци, градското дерби помеѓу Милан и Интер и тоа како беше интересно.

Во првите 45 минути Интер беше нешто поконкретен ривал имаа неколку шанси повеќе од Милан, а најголемата шанса ја имаше Леонардо Бонучи кој шутираше со глава, но Хандановиќ со неверојатна интервенција го одбрани неговиот удар.

Вториот дел донесе уште повеќе возбудувања, Перишиќ ја погоди пречката, Кеси имаше шанса за Милан, се обиде и Кутроне. Во периодот кога Милан беше повеќе опасен го видовме и неверојатното промашување на Мауро Икарди.

Донарума имаше добра интервенција после полуконтрата на Перишиќ, а потоа следуваше помирен дел од натпреварот па не видовме погодок. Икарди на оваа средба постигна и погодок на кој се израдува, но истиот неколку моменти подоцна беше поништен од ВАР технологијата.

Во останатите два натпревари Киево и Сасуоло одиграа 1:1, додека Торино со 4:1 го совлада Кротоне.

Во натпреварот кој се одигра нешто порано Беневенто ја победи Верона со 3:0.