(ВИДЕО) Мурињо повторно имаше џокер: Марсијал донесе ѓаволска победа над Тотенхем

Тимот на Манчестер Јунајтед им се врати на победите во Премиер лигата, откако на својот „Олд Трафорд“ забележа победа од минимални 1:0 над Тотенхем.

Во натпревар каде повеќе се размислуваше на одбраната, најдобрата шанса која не беше реализирана се случи во 79. минута од средбата, кога Лукаку ја погоди стативата.

Само неколку минути подоцна, Лукаку доби топка од Де Геа, веднаш ја проследи до нововлезениот Марсијал, кој уште еднаш се покажа како џокер од клупата на Мурињо.

Со оваа победа Манчестер Јунајтед се задржува на втората позиција, сега со три бодови повеќе во однос на Тотенхем. Прв е тимот на Манчестер Сити.