Видарсон: Доаѓаме во Скопје да ја расипеме забавата

Селекторот на исландската фудбалска репрезентација, Арнар Видарсон вели дека има свои мотиви на мечот со Македонија.

Исланд ни направи „услуга“ откако не загуби во претходното коло против Романија во Букурешт играјќи без голови, а сега вели дека ќе се обиде да ја расипре прославата во Скопје.

„Сакаме во добра атмосфера да ги завршиме овие квалификации. Како и на сите досегашни натпревари, и на утрешниот против Македонија одиме на победа. По натпреварот може со било кој да одам да пијам пиво, но претходно ќе се обидеме да ви ја саботираме прославата“, истакна Видарсон.

„Импресионирани сме од играта на Македонија по ЕП, но ние сме професионалци и ќе се обидеме да одиграме на врвно ниво. Македонија има свои квалитети но и слабости кои ќе се обидеме да ги искористиме. Се надевам на позитивен резултат“, додаде селекторот на Исланд.