Венгер потврди: Анри е подготвен за новиот предизвик во кариерата

Клупската управа на францускиот прволигаш Бордо е во потрага по нов тренер откако му е врачен отказ на Густаво Појет.

Во трката за клупата на Бордо има неколку имиња, а француските медиуми пишуваат дека најголеми шанси има легендарниот Тиери Анри, кој веќе некое време е во стручниот штаб на фудбалската репрезентација на Белгија.

Како што се наведува, ниту самиот Тиери не би имал ништо против да го преземе Бордо, што потврди и Арсен Венгер коментирајќи ја таа ситуација.

„Да, Анри тоа го сака. Интелегентен е и има се што е потребно за да се најде на тоа место“, истакна Венгер, па потоа додаде дека постои мал проблем…

„Клучното прашање со кое сите се соочуваме е дали сме подготвени да го жртвуваме приватниот живот за да се посветиме на тренерската работа“.

За неговите услуги изминатата недела интерес имаше и Астон Вила, како и Фудбалскиот сојуз на Египер, но до соработка не дојде.