Ван Гал го предупреди Тен Хаг: Манчестер Јунајтед е комерцијален клуб

Селекторот на фудбалската репрезентација на Холандија, Луис ван Гал го советува својот сонародник Ерик тен Хег да ја одбие понудата на Манчестер Јунајтед.

„Црвените ѓаволи“ се во потрага по нов тренер, а токму Ерик тен Хаг е прва желна на клубот од „Олд Трафорд“.

Актуелниот тренер на Ајакс веќе имаше разговор со претставници од Манчестер Јунајтед и е спремен да ја прифати понудата.

„Тен Хаг е одличен тренер и тоа е добро за Манчестер Јунајтед. Но, Јунајтед е комерцијален клуб, што го отежнува изборот на тренерот. За него би било подобро да оди во фудбалски клуб и доколку ме праша за совет, јас ќе му кажам. Но, повторувам, Тен Хаг мора да избере фудбалски клуб, а не комерцијален“, изјави Ван Гал.