Ван Бастен: Не знам колку Депај е добар за Барселона

Марко Ван Бастен важи за еден од најдобрите голгетери на сите времиња.

Кариерата Ван Бастаен ја помина во редовите на Ајакс и Милан, а со успех настапуваше и за репрезентацијата на Холандија. Сега тој го коментираше најголемото засилување на Барселона во летниот преоден рок, Мемфис Депај.

Барселона имаше финансиски проблеми, но сепак си го дозволи Депај. За Ван Бастен сепак, тој не е доволно добро засилување.

„Се сомневам дека Мемфис во целост ќе се прилагоди во Барселона. Тој е добар играч, но повеќе е индивидуалец. Прави нешто кое си го замислил и се држи само до него. Кога играте во тим како Барселона потребно е топката да се додава. Затоа не знам колку е добар за Барса“, изјави Ван Бастен.