Важен потпис во Сити, исполнета желбата на Гвардиола

Манчестер Сити денес објави дека го продолжи договорот со голманот Стефан Ортега до 2026 година. 

Преговорите не беа лесни и траеја многу долго, но договорот меѓу двете страни сепак беше постигнат.

Голманот се пресели во Манчестер Сити во летото 2022 година. Минатата сезона одигра 20 натпревари на сите турнири, од кои на осум ја зачува мрежата „чиста“.

Пеп Гвардиола лично инсистираше Ортега да остане во Манчестер Сити, па сега иднината на Едерсон е неизвесна.