Буфон: Ова е најголемата грешка во мојата кариера!

Легендарниот италијански голман Џиџи Буфон е еден од најдобрите во историјата на фудбалот, но синоќа против Шпанија направи огромен кикс и им „подари“ водство на Шпанците.

За негова среќа Де Роси го израмни резултатот и Италијанците останаа непоразени, но Буфон признава дека ова е една од најголемите грешки во неговата кариера.

„Имав премногу идеи во мојата глава, тоа е тоа што ме изневери во дадениот момент. Најпрво мислев да подавам, а потоа сфатив дека Витоло е многу близу и се случи тоа што се случи“, објасни Буфон по натпреварот.

„Си одам тажен поради грешката, но среќен сум поради резултатот кој го остваривме. Ова е една од моите најголеми грешки во кариерата, но добро е што истите не се случуваат многу често. Од ваквите грешки секогаш се учи“, додаде легендарниот голман.