Бреша реагираше на изјавата на Балотели за Јувентус

Maрио Балотели вчера излезе во јавноста со изјава дека Серија А се прекинала дури кога Јувентус се фрати на врвот на табелата.

„Лацио е пресилен. Мораа да го вратат Јувентус на првото место па потоа да го прекинат првенството“, изјави напаѓачот на Бреша.

Ќе потсетиме Јувентус минатата недела пред празни трибини на свој терен го победи Интер со 2:0 и се врати на врвот на табелата, а поради пандемијата на коронавирусот лигата потоа беше прекината.

По ваквата изјава на Балотели се огласи и неговиот клуб Бреша.

„Имено, Марио Балотели за врене на Инстаграм преносот во живо кој е повторен на Јутуб ја коментираше наклонетоста кон Јувентус кој е кандидат за шампион на Италија. Бреша нагласува дека таквиот став е строго личен и никако не треба да се поврзува со ставот на клубот“, соопштија од Бреша.