Брестовац го соопшти конечниот список за мечевите со Турција и Грција

Селекторот на македонската ракометна репрезентација, Данило Брестовац го објави скратениот список на ракометари за квалификациските дуели против Турција и Грција.

Поради повреда во составот нема да биде Дејан Мансков, а од тимот отпаднаа уште Мартин Манасков, Горан Крстевски, Филип Арсеновски, Мартин Томовски и Мартин Серафимов.

Натпреварот меѓу Македонија и Турција се игра на 12 јуни на гостински терен, а четири дена подоцна ни гостува Грција.

Македонија е лидер во групата со ист број на бодови со Исланд, па со две победи ќе бидеме во поволна позиција за ждрепката.