Барселона ја победува конкуренцијата за „турскиот Меси“

Барселона сака да ја победи конкуренцијата за младата ѕвезда на Фенербахче и турската репрезентација, Арда Гулер.

18-годишниот офанзивен играч за врска со своите партии го привлече вниманието на многу европски клубови.

Тој оваа сезона постигна 6 гола и 7 асистенции, скаутите веруваат дека е новата ѕвезда на европскиот фудбал, а веќе го доби и епитетот „турскиот Меси“.

Тој во договорот со Фенербахче има откупна клаузула од 17 милиони евра, сума која неколку клубови се спремни да ја платат.

Милан, Реал Мадрид и ПСЖ веќе подолго време преговараат со неговиот агент, но Барселона сака да ја победи конкуренцијата и да го доведе на „Камп Ноу“.

Менаџерот Деко отпатувал во Турција на средба со претставниците на Арда Гулер и сака што побрзо да го комплетира договорот со турскиот талент.

🚨 Barcelona’s Deco has flown to Turkey to try and persuade Arda Güler to join the Catalan club. 🇹🇷

He is pushing to sign the youngster, who has a €17.5m release clause.

(Source: @DiMarzio) pic.twitter.com/R84lFVOeQX

— Transfer News Live (@DeadlineDayLive) June 29, 2023