Барса нема намера да се раздели со Дембеле

Раководството на Барселона нема намера да ги слуша понудите за Осман Дембеле ова лето, пренесува каталонски „Спорт“.

Во Барселона сметаат дека би било некоректно да не му се даде поддршка на фудбалер кој се лекува од тешка повреда. Дембеле имаше операција во февруари и се очекува процес на рехабилитација од шест месеци.

Исто така челните луѓе на Барселона и тренерот Кике Сетиен го сметаат Дембеле како важен дел од тимот и дека има квалитети следната сезона да игра клучна улога.

Дембеле пристигна  на „Камп Ноу“ како големо засилување, оваа му е трета сезона, но сепак не ги оправда очекувањата до сега. Французинот се мачи со повреди, но Барса верува дека неговиот потенцијал допрва ќе се развива.