Барса и Јунајтед „извисија“ – Бразилецот потпиша нов договор со ПСЖ!

Бразилскиот фудбалер Маркињос во текот на вчерашниот ден го продолжи договорот францускиот клуб до летото 2022 година.

„Маркињос секогаш покажуваше беспрекорен став и разви исклучително силен однос со нашиот клуб и навивачите“, изјави претседателот на ПСЖ, Насер Ал Келаифи.

Овој 23 годишен дефанзивец во ПСЖ пристигна во 2013 година од Рома, но не беше стандарден се до минатата сезоната кога на „Паркот на принцовите“ пристигна Унаи Емери.

Маркињос на кого договорот му истекува во летото 2019 година, запиша 161 настап за францускиот клуб и постигна 13 погодоци.