Баер Леверкузен – Хофенхајм: Дуел кој гарантира многу голови

Трето пласираниот Баер Леверкузен се среќава со четврто пласираниот Хофенхајм во рамки на 16-то коло во Бундеслигата во средата вечер. Дуелот на Бај арената е најинтересен и најпривлечен во ова вонредно коло и предизвикува големо внимание во Германија.

Леверкузен со пад во формата

Домаќините беа во одлична победничка серија, но таа серија заврши со два порази по ред – еден во Лигата на Европа и еден минатиот викенд во домашниот шампионат. Оној пораз во Лигата на Европа и покрај тоа што дојде од Ференцварош кој беше голем аутсајдер не ги потресе премногу германците. Сепак, Леверкузен секако без разлика на исходот од дуелот во Унгарија веќе имаше завршено на лидерското место.

Но затоа поразот од Ајнтрахт Франкфурт беше шокирачки. Не дека дојде од Ајнтрахт – тоа сепак беше уште еден дерби меч, но шокот е пресвртот. Леверкузен водеше со 0:2, а загуби со 5:2. СО двата гола на Шик Баер водеше во 22 минута со 0:2. ДО крајот на првиот дел беше 2:2, а во второто полувреме прикмија уште три гола.

Тешко е да се предвиди како тој пораз ќе влијае на тимот. Сепак овој меч е од голема важност бидејќи се игра против директен конкурент. Пласманот во топ 4 е примарна цел оваа сезона, а дуелите како овој можат да бидат голем плус, но и голем минус за екипата.

Хофенхајм е брилијантен

Во меѓувреме, за гостите овој меч доаѓа во најдобро можно време. Не можеа да посакаат подобар момент за еден вака важен меч со директен конкурент. Хофенхајм е во серија од четири победи по ред во Бундеслигата. И тоа не какви било победи – победи со 12 дадени дадени гола. Во оваа серија се и победите над Франкфурт со 3:2 и над Гројтер Фурд со 3:6. Воедно овој вториот меч со девет гола дефинитивно е најубавиот оваа сезона во Германија.

Хофенхајм не само што победува, туку изгледа одлично на теренот, изгледаат незапирливо. Офанзивата е брилијантна, почнувајќи од средината на теренот од каде доаѓаат најдобрите стрелци сезонава за екипата.

Како резултат на победата над Фрајбург во минатото коло, Хофенхајм ги прескокна нивните противници и сега се најде на четвртото место на табелата.