Ајакс потврди: Ван ден Бек пред трансфер во Јунајтед

Ѕвездата на Ајакс и холандски репрезентативец, Дони ван де Бек е пред трансфер во Манчестер Јунајтед, тврдат холандските медиуми.

Одличниот играч за врска кој се поврзува со трансфер во Барселона и Реал Мадрид најверојатно ќе се пресели на Островот, а тоа потврди и тренерот на Ајакс, Ерик Тен Хаг.

Тен Хаг го остави фудбалерот надвор од составот за денешниот пријателски натпревар против Ајнтрахт Франкфурт, а пред натпреварот потврди дека тоа го направи поради евентуален трансфер на играчот.

„Има напредок во трансфер преговорите и токму затоа не е во составот“, изјави Тен Хаг.

Иако не откри за кој клуб станува збор, медиумите се сигурни дека Холанѓанецот е на чекор од трансфер на „Олд Трафорд“.