Атлетико Мадрид тргнува по Дибала

Според италијанскиот весник „Ла Република“, Атлетико Мадрид во моментов е најсериозен кандидат за потписот на Пауло Дибала.

Дибала е слободен агент откако му заврши договорот со Јувентус и се уште е без клуб. Аргентинецот беше блиску до трансфер во Интер, но после доаѓањето на Лукаку, „нероаѕурите“ ги прекинаа преговорите.

Таквата ситуација сака да ја искористи Атлетико Мадрид, бидејќи Дибала е голема желба на Диего Симеоне.

За Дибала интерес покажува и Манчестер Јунајтед, кој во него гледа идеална замена за Кристиано Роналдо.

Сепак, италијанските медиуми тврдат дека Дибала ќе го чека Интер уште неколку дена и потоа ќе донесе одлука.