Артета: Сакам да имам борци, жртви не ни се потребни

Mенаџерот на Арсенал Микел Артета истакна дека атмосферата во соблекувалната на лондонскиот тим е добра колку што може да биде во ваква ситуација.

Арсенал го има најлошиот почеток на сезоната уште од 1981 година. Клубот од „Емирати“ веќе претрпе осум порази во Премиер лигата и се наоѓа на 15. место на табелата.

„Атмосферата во тимот е добра колку што може да биде во ваков момент. Тешко е во соблекувалната кога губите, играчите се повредени и сакаат да направат нешто повеќе. Но, но ние сме единствени“.

„Во ваква ситуација имате два типа на луѓе – борци и жртви. Нас ни се потребни борци, а не жртви. Жртвите бараат изговори и ги обвинуваат другите за она што им се случува. Сакам да имам борци кои ќе дадат се од себе на теренот“, изјави Артета.