Анчелоти: Во одлична форма сме пред финалето во ЛШ

Тренерот на Реал Мадрид, Карло Анчелоти е задоволен што неговиот тим е во добра форма пред финалето од Лигата на шампионите кое се игра на 28-ми мај.

„Кралевите“ синоќа го совлада Леванте со 6-0 во натпревар од 36-то коло на Примера и го испрати тимот од Валенсија во Сегунда дивизија.

„Го поддржувам Леванте и нивниот тренер. Ова е одличен клуб и сигурен сум дека наскоро ќе се вратат во Примера. Карим Бензема и Виничиус со текот на времето почнаа подобро да се разбираат, играат добро. Во добра форма сме пред финалето, самодовербата ни порасна. Останува уште малку време до финалето и мораме да го задржиме интензитетот“, изјави Анчелоти.