Албанец од Струга го поминал детството со Ибрахимовиќ: Беше лошо дете, јадеше кај нас (ВИДЕО)

Албанецот, Ади Хоџа од Струга откри дека во своето детство растел заедно со една од најголемите денешни ѕвезди во фудбалот, Златан Ибтахимовиќ.

Хоџа е роден во Шведска, а денес работи како тренер. Тој раскажува дека неговата мајка постојано го хранела Златан кој подоцна стана еден од најголемите личности во спортскиот свет.

„Каков беше малиот Златан? Лош. Јас го познавам уште од шест згодини. Живее овде во оваа зграда на петтиот кат, а ние бевме во зградата во близина на третиот кат. Неговата мајка живееше овде и беа навистина сиромашни. Доаѓаше кај нас и јадеше леб, мајка ми неколку пати го хранеше“.

„Денес ретко зборуваме. Последен пат разговаравме пред четири години. Тогаш бев во Париз и гледав натпревар на ПСЖ, тоа беше последен пат“, зборуваше Хоџа.

Инаку на зградата во која живел Ибрхаимовиќ како дете го има неговиот лик, додека на фудбалското игралиште во близина стои порака дека Златан тука ги минувал детските денови.