Алаба конечно проговори за трансферот во Реал Мадрид

Ѕвездата на Баерн Минхен, Давид Алаба даде коментар на шпекулациите за негов трансфер во Реал Мадрид.

Како што е познато, Алаба на крајот на сезоната ќе го напушти Баерн Минхен како слободен агент, а се погледи се шпекулациите дека ќе се пресели во Реал Мадрид.

Според некои информации 28-годишниот фудбалер веќе има договор со „кралевите“ и ги одбил сите други понуди.

„Реал Мадрид? Јас не сум од луѓето кои наутро читаат весник, но и до мене стигнаа тие вести. Ќе видиме што ќе се случи на крајот на сезоната. Тоа е се што можам да кажам“, истакна Алаба.

„Не е тајна дека мојот приоритет е да играм на Мундијал со мојата репрезентација. Поради тоа овие квалификации за нас се многу важни и сакаме да ги започнеме со победа“, додаде Австриецот.