Ал Келаифи пресреќен: Вакво нешто не сум видел во ПСЖ во последните 13 години!

Во таборот на ПСЖ владее вистинска еуфорија поради победата на овој во вчерашниот реванш од четвртфиналето во Лигата на шампионите против Барселона.

ПСЖ загуби во првиот натпрев со 3:2, но вчера победи со 4:1 и така се пласираше помеѓу најдобрите четири екипи во Европа.

Еуфорична изјава по натпреварот имаше и првиот човек на гигантот од Париз, Насер Ал Келаифи.

„Бевме одлични, сите се бореа еден за друг. Многу го посакувавме пласманот во полуфиналето и на крајот успеавме. Го имаме најдобриот тренер во светот, ова е величенствен момент за клубот. Навистина не е лесно да ја победите Барселона на нејзин терен. Сакам да кажаме дека вакво нешто не сум видел во последните 13 години во ПСЖ, а тоа е дека сите играчи беа заедно и дека атмосферата е фантастична“, изјави Келаифи.

ПСЖ во полуфиналето ќе игра против Борусија Дортмунд и ќе биде интересно да се види кој од овие два тима ќе игра во финалето каде што од другата страна ќе ги чека силен противник.