Кол Палмер, ѕвездата на Челси, наводно копнее за враќање во родниот град и би бил отворен за летен трансфер во Манчестер Јунајтед, клуб за кој навивал во детството. Палмер во 2023 година ја напушти Манчестер Сити и се пресели во Лондон, каде што стана клучен играч за Челси, но изгледа дека не е целосно задоволен од животот во престолнината и радо би прифатил можност за враќање на северот на Англија, пишува Goal.com.
Откако пред две и пол години пристигна од Сити, Палмер за „Сините“ постигна 41 гол и додаде 19 асистенции. Поради тоа, англискиот репрезентативец стана практично „недостапен“ за Челси, и само исклучително висока понуда би го натерала лондонскиот клуб да размисли за продажба. Според „Трансфермаркт“, Палмер вреди 120 милиони евра.
До кога ќе дишеме отровен воздух!? | Уште еден поткаст
Сепак, како што пишува „Сан“, 23-годишникот го мачи носталгија и би ја поздравил можноста да се придружи на Јунајтед. Палмер се бори и со проблематична повреда на препоните, поради која оваа сезона беше ограничен на само 12 лигашки настапи. Го пропушти и неделниот натпревар во кој Челси го победи Кристал Палас.
Учество во игри на среќа е дозволено за лица со 18+ години. Играј одговорно!