Вознемирувачко видео: ММА борец од Дагестан нападнат и погоден со пет куршуми

Тимур Хизриев (18-0), руски ММА борец со дагестанско потекло, беше тешко повреден во оружен напад кој се случи вчера пред неговата зграда во Махачкала, главниот град на Дагестан.

Според руските медиуми, двајца маскирани напаѓачи го чекале пред влезот и веднаш откако излегол од автомобилот, отвориле оган врз него.

Како што пренесуваат РИА Новости, Хизриев добил повеќекратни прострелни рани и веднаш бил пренесен во болница. Беше опериран, а извори блиски до борецот за ТАСС изјавија дека примил најмалку пет куршуми, но ниту еден не предизвикал сериозни внатрешни повреди и сега е надвор од животна опасност.

🚨В Махачкале расстреляли чемпиона PFL Тимура Хизриева (18-0).

Двое в масках подкараулили Тимура во дворе жилого дома на улице Даниялова. Когда он вышел из гелендвагена, нападавшие открыли стрельбу. В спортсмена попали 5 пуль от травмата пистолета. Хизриев в операционной, жив. pic.twitter.com/KnUN4NYRKX

— Вестник ММА (@VestnikMMA) July 15, 2025

Снимките од надзорната камера покажуваат дека Хизриев, иако погоден, успеал да совлада еден од напаѓачите по првиот испукан куршум.

Без пораз, 29-годишниот борец моментално се натпреварува во перо категоријата во рамките на ПФЛ. Минатата година во ноември ја освои титулата откако го победи Брендан Логнејн, што беше неговиот последен настап.

Во текот на својата кариера, Хизриев се борел и во промоции како Белатор и Игл ФЦ, а пред шест години беше победник на Гран-при во перо категоријата во организацијата Абсолут Чемпионшип Беркут (АСБ).