„Воинот“ на Реал забележа дека му истекува времето во Мадрид, познато е и каде сака да ја продолжи кариерата

Даниел Карвахал сѐ повеќе е свесен дека неговото време во кралскиот клуб полека се приближува кон крајот, пренесуваат шпанските извори.

Искусниот десен бек, познат по борбеноста и лојалноста, се наоѓа пред веројатно најтешката одлука во кариерата – напуштање на клубот кој му даде речиси сѐ.

Иако конечната одлука сѐ уште не е донесена, се очекува Карвахал да пресече до крајот на сезоната, а сѐ повеќе сигнали укажуваат дека тековната сезона би можела да му биде последната во белиот дрес.

Неговиот договор истекува во јули, а во овој момент, според наводите на шпанските медиуми, е поблизу до заминување отколку до продолжување на соработката со Реал Мадрид.

Како најреална дестинација се споменува Катар, каде што веќе игра неговиот шура и близок пријател Хоселу, што дополнително ја влијае на одлуката на Карвахал.