Во Манчестер Јунајтед подготвиле понуда за играч за врска

Манчестер Јунајтед планираат да понудат сума од 60 милиони фунти уште во јануари за ѕвездата на Кристал Палас, Адам Вортон, според “Мирор”.

21-годишниот играч за врска е следен внимателно од Рубен Аморим и скаутите на тимот во последните недели и тој е одреден како еден од фаворитите на луѓето во „Олд Трафорд“ во нивната желба да го зајакнат средниот ред. Ако овој обид за ангажирање на новопроизлезениот англиски репрезентативец во зима не успее, тогаш “црвените ѓаволи” ќе се вратат на лето.

Токму Вортон стана цел број еден во последните недели, откако доскоро се сметаше дека таква е Карлос Балеба од Брајтон. Падот во формата на играчот на „галебите“ во актуелната сезона ги увери луѓето во Манчестер дека халфот нема доволно силен менталитет за да успее во Јунајтед.

20-кратните шампиони планираат да финансираат дел од зделката за Вортон преку разделба со Коби Мејно, кој сè поретко добива шанси од Аморим и речиси сигурно ќе сака да замине уште во зима, за да бара повеќе време за игра.