Гласините поврзани со дефанзивецот на Интер, Алесандро Бастони, со можен летен трансфер во Барселона, продолжуваат да добиваат се’ поголемо внимание. Сепак, информации од Италија и Шпанија укажуваат дека двата клуба имаат сериозни разлики во оценувањето на италијанскиот репрезентативец.
Според последните шпекулации, од Барселона ја испратиле почетната понуда од околу 45 милиони евра за Бастони, која брзо била одбиена. Нови податоци од „Спортмедиасет“ и „Калчомеркато“ укажуваат дека Интер ќе инсистира на фиксна сума од 60 милиони евра, која потенцијално може да се зголеми до 70 милиони евра со вклучени бонуси и додатоци. Има претпоставки дека каталонците веројатно ќе имаат сериозни потешкотии во исполнувањето на барањата на Интер, со оглед на нивните претходни проблеми со регистрацијата на играчи според правилата за финансиски фер-плеј.
Исхрана, повреди и тренинг – совети од доктор по спортска медицина | Уште еден поткаст
За да се избегне споменатата трансферна сума од 60-70 милиони евра, се споменува дека од „Камп Ноу“ може да се обидат да вклучат свој играч во разменска зделка со „неразурите“. Се претпоставува дека на масата за преговори може да бидат имената на Жерар Мартин, Феран Торес или дури и Дани Олмо. Во исто време, се тврди дека Интер пројавува интерес за ангажирање на Тарик Мухаремович од Сасуоло, во случај Бастони да замине во текот на летото.
Учество во игри на среќа е дозволено за лица со 18+ години. Играј одговорно!