Бразилскиот фудбалер и играч на Реал Мадрид Винисиус изјави за клупската телевизија дека сака да остане во Реал Мадрид уште многу години, и така ги демантираше шпекулациите за трансфер во Саудиска Арабија.
Тој сакаше да ги демантира шпекулациите на шпанските медиуми кои пренесуваат дека Винисијус добил понуда од еден саудиски клуб.
Традицијата продолжува, се трансформира - Pinko Crafts ↓↓↓
„Најважно за мене е да продолжам да пишувам историја овде. Се надевам дека ќе останам во Реал уште многу години“, изјави 24-годишниот Бразилец.
Тој неодамна го постигна 100. гол во дресот на Реал, а со мадридскиот клуб освои две Лиги на шампиони.
„Да се биде дел од историјата на клубот е многу тешко бидејќи има толку многу играчи и легенди пред мене кои постигнале толку многу голови и освоиле толку многу титули. Да бидам во тој круг беше мојот сон”, додаде тој.
Учество во игри на среќа е дозволено за лица со 18+ години. Играј одговорно!