Винисиус избран за најдобар фудбалер во светот!

Бразилскиот фудбалер Винисиус Жуниор беше разочаран откако ја загуби трката за „Златната топка“ во избор на „Франс Фудбал“, но затоа беше избран за најдобар фудбалер во светот од страна на шпанскиот медиум „Марка“.

Во избор од 122 новинари ширум светот, Винисиус го освои првото место, додека зад него заврши тимскиот колега Џуд Белингам, а во топ-3 се наоѓа актуелниот освојувач на „Златната топка“, Родри.

На четвртата позиција беше пласиран Ламин Јамал од Барселона, додека Дани Карвахал од Реал Мадрид го освои петтото место.