Виљареал води преговори со Реал Мадрид за можноста да го привлече шпанскиот играч од средниот ред Дани Себаљос преку летниот трансфер период. 29-годишниот фудбалер беше поврзуван со заминување од „Бернабеу“ и минатата година, но на крајот остана во составот на „Лос Бланкос“ и оваа сезона, во која запиша 22 настапи за клубот. Договорот му важи до крајот на сезоната 2026/27, но се очекува тој да ја смени клубската средина уште ова лето.
Според шпанските медиуми, Виљареал веќе влегол во дискусии со управата на Реал Мадрид во врска со Себаљос. Тврдат дека од „Жолтата подморница“ сметаат дека „техничкиот профил“ на Шпанецот е идеален за нивната средина. Себајос самиот прифатил дека ќе мора да го напушти „Бернабеу“ ова лето за да ја оживее својата кариера.
Исхрана, повреди и тренинг – совети од доктор по спортска медицина | Уште еден поткаст
Интересот на Виљареал „се зголемува“, бидејќи тимот на Марселино е свесен дека и многу други клубови исто така се стремат кон неговиот потпис.
Себаљос ја започна својата професионална кариера во Бетис, каде запиша 105 натпревари, пред да премине во Реал Мадрид во 2017 година. Шпанецот има 7 голови и 16 асистенции во 214 натпревари за „Лос Бланкос“. За време на престојот на „Бернабеу“, исто така, играше на заем во Арсенал, претставувајќи ги „топчиите“ во 77 натпревари во сите натпреварувања.
Во меѓувреме, се очекува Реал Мадрид да ангажира нов централен играч од средниот ред, при што се смета дека Родри од Манчестер Сити и Ајуб Буади од Лил се меѓу главните цели.
Учество во игри на среќа е дозволено за лица со 18+ години. Играј одговорно!