ЏЕЈСОН ТЕЈТУМ (27), најдобриот кошаркар на актуелните НБА шампиони Бостон Селтикс и еден од најдобрите кошаркари во светот, според сите изгледи, тешко се повреди три минути пред крајот на четвртиот натпревар од полуфиналето на Истокот. Њујорк Никс на свој терен го победија Бостон со 121:113 и поведоа 3:1 во серијата што се игра на четири победи.
Никс се на чекор од првото конференциско финале по 25 години, додека актуелните шампиони се соочуваат со рано испаѓање. Никс можат да поминат со победа во Бостон ноќта од среда кон четврток. Ако тогаш не успеат, ќе имаат шанса на свој терен два дена подоцна. Поразот на Селтикс за поголемо заостанувањето не е единствена лоша вест од Медисон Сквер Гарден.
Данска vs. Македонија: Како тие се справуваат со отпадот, додека ние се расправаме кој е крив?
Џејсон Тејтум, нивниот клучен играч и најдобар стрелец на натпреварот (42 поени), три минути пред крајот го напушти теренот поради повреда на Ахиловата тетива на десната нога, и според првите лекарски проценки, нема да игра во петтиот натпревар против Никс. Неговото неиграње би било огромен удар за Селтикс.
Учество во игри на среќа е дозволено за лица со 18+ години. Играј одговорно!